Восень… час, калі прырода застывае ў залатым святле, а сэрцы хочацца засагрэць цяплом любімых і блізкіх людзей. Гэта час, калі мы дзякуем тым, хто падарыў нам жыццё, клопат і любоў.
У такія напоўненыя святлом і цяплом хатняга вогнішча кастрычніцкія дні спецыялісты аддзела нестацыянарнага абслугоўвання і кінавідэаабслугоўвання насельніцтва Смаргонскага раённага цэнтра культуры наведалі вёскі Караваі, Глінна, Навасёлкі, Лазоўку і Сялец з канцэртнымі праграмамі, прысвечанымі Тыдню бацькоўскай любові.
Гучалі цудоўныя песні, якія нагадвалі пра бацькоўскі дом, пра тыя простыя і вечныя каштоўнасці, якія перадаюцца з пакалення ў пакаленне.
Кожная мелодыя нібыта агортвала цяплом… такім жа, як цёплыя матчыныя рукі.
Жыхары падпявалі знаёмым мелодыям, ствараючы атмасферу шчырасці, цяпла і душэўнасці.
