Сення вельмі важна захаваць народныя традыцыі і звычаі свайго народа. У пошуках новых звестак пра мінулае, навучэнцы ДУА "Вішнеўская сярэдняя школа" наведалі "Куток беларускага побыту" пры Вішнеўскім Доме культуры (ў межах праекта "Кожная пятніца-роднае, сваё"). Цэнтральнае месца ў "куточку" займае ткацкі станок. Яго ў пакой перадала Конан Марыя Станіславаўна. На ім працавалі тры пакаленні. Ручное ткацтва лічылася традыцыйным жаночым заняткам. Раней не было ў вёсцы жанчыны, якая б не ўмела ткаць. Ткалі ручнікі прыгожымі ўзорамі, настольнікі , дываны. Там жа мы і ўбачылі багатую калекцыю ручнікоў, якія займалі асаблівае месца ў культуры Беларусі. Навучэнцам нават удалося паспрабаваць сябе ў гэтай няпростай справе. Ала Лявонаўна, загадчык Дома культуры, правяла майстар-клас па рабоце на гэтай цудоўнай "машыне" . Усім спадабалася гэта невялікае падарожжа ў мінулае
#ДзеньРоднагаСвайго #ДеньРодногоСвоего #Смаргонь_культура
