Праграма уключала ў сябе чатыры тэматычныя блокі:”Прывітальны”, “Люблю мой край, старонку гэту...”, “Нязгасна памяць пакаленняў” і “Гэтай зямлі мы адданы навекі”. У кожны з блокаў былі ўключаны канцэртныя нумары, якія адпавядалі яго тэме. Шчырымі апладысментамі сустракалі гледачы мясцовых артыстаў: салістаў Н.Тапуць, Г.Корвель, Н.Емельян, М.Гладушка, М.Пашука. А удзельнікі дзіцячага гуртка сальных спеваў не толькі парадавалі сваімі спевамі, але па-майстэрску выканалі танцавальную замалёўку, на якую запрасілі ўсіх прысутных. Самы маленькі ўдзельнік канцэртнай праграмы Мацвей Фадзееў з імпэтам прачытаў вершаваную казку В.Высоцкай “Залатое яечка”. А Г.Свірская і Г.Корвель парадавалі мініяцюрай “Суседкі”.
Канцэртная праграма прыйшлася да спадобы вяскоўцам, якія доўга не хацелі адпускаць артыстаў са сцэны.