Шмат цікавага даведаліся госці аб сваіх славутых земляках Карловічах, мастаку А. Бяляўскім, паэце А. Шчучку (аўтары кнігі "Святыняў маўклівыя цені”) , І.Бяляўскім. Асабліва ўзрадавала ўсіх сустрэча з пісьменнікам, членам Саюза пісьменнікаў А. Жураўлёвым, які напярэдадні гэтага мерапрыемства, наведаў Дом культуры і Вішнеўскую школу, у якой калісьці вучыўся. Творчасць Аркадзя Жураўлёва прасякнута непадробнай любоўю і шчырай павагай да чалавека-працаўніка, да роднага кута, да нацыянальнай гісторыі і матчынай мовы. Мы ганарымся тым, што Вішнеўская зямля багата на таленавітых людзей, якія па-майстэрску валодаюць мастацтвам слова.
