Дзяржаўная ўстанова культуры
«Смаргонскі раённы цэнтр культуры»

ЛЮДИ. СОБЫТИЯ. ФАКТЫ

«ЯДНАЕМСЯ РАМЁСТВАМІ»

Нагадваем, што з 24 па 30 лістапада 2025 года ў Гродзенскай вобласці праходзіць прафілактычная кампанія «Тыдзень кібербяспекі».

Сёння ў рамках акцыі ў працоўным калектыве Смаргонскага раённага цэнтра культуры правялі інфармацыйны занятак «Пра кіберпагрозы, фарміраванне культуры бяспечных паводзін у сусветнай камп’ютарнай сетцы Інтэрнэт і прыняцце эфектыўных мер па прафілактыцы кіберзлачынстваў», прысвечаны тэме кіберзлачынстваў. Супрацоўнікам прадставілі важную інфармацыю аб самых распаўсюджаных схемах ашуканства ў сетцы.

Удзельнікам мерапрыемства расказалі пра распаўсюджаныя спосабы здзяйснення кіберзлачынстваў, а таксама растлумачылі, як правільна рэагаваць на тэлефонныя званкі як бы ад супрацоўнікаў банкаў і як распазнаваць схемы з фальшывай дабрачыннасцю.

Будзьце ўважлівыя і асцярожныя пры любых банкаўскіх аперацыях, куплі ў інтэрнэце і зносінах з незнаёмымі людзьмі.

З прафілактычнай інфармацыяй можна азнаёміцца па спасылцы.

Уявіце сабе горад, дзе паветра дыхае рытмам, а вуліцы гучаць не рухам транспарту, а мелодыямі і стукам танцавальных абцасаў. Менавіта ў такі жывы і імклівы арганізм ператварылася Смаргонь падчас абласнога конкурсу танца «Скокі ва ўсе бокі».

Ужо трэці год запар смаргонцы з цеплынёй і гонарам сустракаюць гэтае маляўнічае свята творчасці. Сёлета маштаб імпрэзы ўражвае: больш за 700 удзельнікаў і звыш 50 яскравых танцавальных нумароў.

На ўрачыстым адкрыцці конкурсу прысутнічалі намеснік начальніка ўпраўлення культуры Гродзенскага аблвыканкама, старшыня журы - Сняжана Куратчык і начальнік аддзела культуры райвыканкама Таццяна Ражэва. Яны падзякавалі ўдзельнікам за захаванне традыцый і развіццё сучасных накірункаў танца.

Сёлета конкурсныя праграмы былі прадстаўлены ў двух намінацыях: «Народны танец» і «Сучасны, эстрадны танец». На сцэне сустракаліся і вопытныя артысты ўзнагароджаных калектываў, і юныя танцоры, для якіх гэта першае сур’ёзнае выпрабаванне і пачатак творчага шляху.

«Скокі ва ўсе бокі» сталі сустрэчай эпох і стыляў: побач з полькій, кадрылем і вальсам гучалі сучасныя кампазіцыі, якія перадавалі актуальныя настроі і гісторыі праз пластыку і сучасную харэаграфію. Але галоўнае ў гэтых выступленнях — эмоцыі: яны жывуць у касцюмах, танцавальных рухах і шчырай аддачы кожнага выканаўцы.

Смаргоншчыну на конкурсе прадстаўлялі: узорны ансамбль танца «Вілляначка» ДШМ імя М. К. Агінскага, узорны фальклорны гурт «Нальшчаначка» Жодзішкаўскай СШ, дзіцячы калектыў «Краіна сяброў» СШ №5, аматарскі танцавальны калектыў Жодзішкаўскага ДК, а таксама «Жарынка», «Талісман» і «Смаргонскія гарэзы» той жа школы мастацтваў.

Кожны з іх унёс у агульнае свята частку сваёй душы, робячы гэты дзень сапраўднай танцавальнай падзеяй рэгіёна.

У Смаргоні прайшло раённае свята «З падзякай шчырай і паклонам!», прысвечанае Дню працаўнікоў сельскай гаспадаркі і переапрацоўчай прамымловасці аграпрамысловага комплексу

У Смаргонскім раённым цэнтры культуры адбылося значнае для рэгіёна мерапрыемства – раённае свята «З падзякай шчырай і паклонам!». Яно прысвечана людзям, чыя штодзённая нялёгкая праца з’яўляецца асновай дабрабыту і моцы нашай краіны

Мерапрыемства сабрала поўную залу ветэранаў працы, перадавікоў вытворчасці, кіраўнікоў і спецыялістаў аграпрамысловага комплексу.

Цэнтральным момантам свята стала ўрачыстая цырымонія ўшанавання. Лепшыя работнікі сельскай гаспадаркі атрымалі заслужаныя ўзнагароды, падзякі і каштоўныя падарункі ад кіраўніцтва раёна і ганаровых гасцей. Гучалі шчырыя словы падзякі за іх адданасць справе і значны ўклад у развіццё Смаргоншчыны і ўсёй краіны.

Яркая канцэртная праграма з энергічнымі нумарамі, запальнымі песнямі і танцамі стварыла цудоўны настрой і падарыла мора станоўчых эмоцый! Спецыяльным госцем свята стаў ансамбль “Гуляй, Бульбаш”, які стаў запальным сюрпрызам для ўсіх прысутных у глядзельнай зале!

ЛЮДИ. СОБЫТИЯ. ФАКТЫ

С ВИЗИТОМ ДОБРА, РАДОСТИ И ПЕСНИ!