Дзяржаўная ўстанова культуры
«Смаргонскі раённы цэнтр культуры»

У Смаргонскім раённым выканаўчым камітэце 20 лістапада 2025 г. з 11.00 да 13.00 адбудзецца прыём грамадзян (4 паверх, каб. 415) і адначасова прамая тэлефонная лінія (тэл. 3-88-30) для жыхароў раёна старшынёй Камітэта дзяржаўнага кантролю Гродзенскай вобласці Дарожка Анатолем Андрэевічам.

Папярэдняя запіс на прыём ажыццяўляецца да 13.00 19 лістапада 2025 г. па тэлефоне 3-76-57.

6 лістапада ў глядзельнай зале Смаргонскага раённага цэнтра культуры адбылося святочнае мерапрыемства «Октябрь в сердцах поколений», прысвечанае надыходзячай даце — 7 лістапада — Дню Кастрычніцкай рэвалюцыі.

Гледачы маглі ўспомніць падзеі тых далёкіх гадоў, якія мелі вялікае значэнне для гісторыі нашай краіны. Урачыстую атмасферу свята дапоўнілі канцэртныя нумары і патрыятычныя песні, падрыхтаваныя творчымі калектывамі і салістамі Смаргоншчыны.

У рамках мерапрыемства адбылося ўзнагароджанне актывістаў раёна і горада, чый працоўны досвед і вернасць справе робяць вялікі ўклад у развіццё і захаванне нашай Радзімы.

Гэтае свята — яшчэ адзін сімвал пераемнасці пакаленняў і таго, што памяць аб гісторыі жыве ў сэрцах людзей.

«Неделя нулевого травматизма» праводзіцца з мэтай забеспячэння бяспекі і здароўя людзей на працоўных месцах, прадухілення выпадкаў вытворчага траўматызму ў арганізацыях шляхам аператыўнага выяўлення парушэнняў норм аховы працы і прымянення мер па іх устраненні.

Акрамя таго, 13 лістапада адбудзецца абласны Дзень аховы працы з адзінай павесткай «Культура вытворчасці, працоўная і вытворчая дысцыпліна — аснова забеспячэння бяспекі працы».

Спецыялісты аддзела па рабоце з дзецьмі і моладдзю ДУК «Смаргонскі раённы цэнтр культуры» правялі танцавальна-разважальную праграму «Тык-ток трэнд» для вучняў з аздаравіцельных лагераў ДУА «Гімназія г. Смаргоні» і ДУА «Сярэдняя школа № 7».

Хлопцы выдатна і заўзята праводзілі свой вольны канікулярны час: шмат танцавалі, весяліліся і гучна спявалі, напаўняючы залу смеху і радасцю.

Тое, што рукамі чалавечымі з любоўю створана - будзе назаўжды жыць у культурнай спадчыне народа

Неверагодна прыгожая, аўтэнтычная, натхняючая і да вытокаў вяртаючая выстава вырабаў майстроў народнай творчасці Смаргоншчыны «Кірмаш рамёстваў» адкрылася ў Смаргонскім раённым цэнтры культуры.

Смаргоншчына здаўна славіцца сваімі таленавітымі майстрамі, і сёння яны прадставілі свае працы на выставе, што аб’яднала традыцыі, майстэрства і душэўнасць Тут кожны выраб дыхае любоўю і стараннем, а кожны майстар - сапраўдны захавальнік беларускай культуры, традыцый продкаў, ператваральнік простых матэрыялаў у сапраўдныя творы мастацтва

Падчас адкрыцця госці змаглі пазнаёміцца з унікальнымі вырабамі народных майстроў, прыняць удзел у цікавай экскурсіі і захапляльных майстар-класах па розных відах рамёстваў, а таксама атрымаць асалоду ад атмасферных выступленняў творчых калектываў

Так хораша, калі традыцыі жывуць, яднаюць пакаленні і адкрываюць багаты ўнутраны свет беларускага народа. Пагэтаму запрашаем усіх жадаючых дакрануцца да народнай творчасці і падтрымаць нашых майстроў!

Выстава будзе працаваць з 1 па 8 лістапада з 11:00 да 16:00.
Месца правядзення: ДУК «Смаргонскі раённы цэнтр культуры»
Даведкі па тэлефоне: +375 44 767 93 63
Уваход вольны!